Tesis (filma)

Tesis (filma)
Jatorria
Argitaratze-data	1996
Izenburua	Tesis
Jatorrizko hizkuntza	gaztelania
Jatorrizko herrialdea	Espainia
Banatze bidea	eskatu ahalako bideo
Ezaugarriak
Genero artistikoa	thrillerra, film dramatikoa, beldurrezko zinema eta misteriozko zinema
Iraupena	125 minutu
Kolorea	koloretakoa
Grabazio lekua(k)	Madril



Zuzendaritza eta gidoia
Zuzendaria(k)	Alejandro Amenábar
Gidoigilea(k)	Alejandro Amenábar
Antzezlea(k)
Fele Martínez Eduardo Noriega Ana Torrent Xabier Elorriaga Miguel Picazo Paco Hernández ^(en) José Luis Cuerda [[Kategoria:Paco Hernández ^(en) antzeztutako filmak]]
Ekoizpena
Ekoizlea	Alejandro Amenábar
Ekoizle eragilea	José Luis Cuerda
Bestelako lanak
Musikagilea	Alejandro Amenábar
Argazki-zuzendaria	Hans Burman
Fikzioa
Kontakizunaren tokia	Madril

Tesis (euskaraz Tesia) 1996ko Alejandro Amenábar txiletar-espainiar zinema zuzendariaren lehenbiziko luzemetraia izan zen. Bertan, Ana Torrent, Fele Martínez eta Eduardo Noriega aktoreek antzeztu zuten.

Filmak kritika eta ikusleekiko arrakasta nabarmena izan zuen, espainiar zinema zuzendarien belaunaldi berri baten garaiaren hastapena mugarri izan zelarik. Hainbat sari lortu zituen, tartean filma, gidoi eta zuzendari berri onenaren Goya Sariak, aurretik zortzi Goya Sarietarako izendapena jaso zuelarik.

Filmaren fakultateko eszenak Madrilgo Complutense Unibertsitatean abuztuan filmatu ziren, ikasle eta irakasleen oporraldian eraikina hutsa baitzegoen.

Argumentua

Oharra: Atal honek istorio osoa edo amaiera argitzen du.

Madril. Ángelak (Ana Torrent) ikus-entzunezko bortizkeriari buruzko doktorego-tesi bat prestatzen ari den unibertsitateko ikasle bat da. Haren tesia zuzentzen ari den irakasleak unibertsitate horretako bideotekan ezustean filma bat topatu eta biharamunean hilik agertzen da.

Ángela eta bere fakultateko ikaskidea den Chemak (Fele Martínez) filma topatu eta heurekin batera eramatea erabakitzen dute, hura ikustean neska bat torturatua eta eraila agertzen den snuff movie bat dela ohartzen direlarik. Haientzako berria, ezberdina eta oso arriskutsua den ikus-entzunezko mundua. Ángela bera hurrengo snuff-movie filmaren protagonista izan daitela jabetzen da.