Down konderria

Down konderria
Erresuma Batua
Administrazioa
Izen ofiziala	Contae an Dúin
Estatu burujabe	Erresuma Batua
Herrialdea	Ipar Irlanda
Hiriburua	Downpatrick
Geografia
Koordenatuak	54°22′N 5°56′W / 54.36°N 5.94°W / 54.36; -5.94
Azalera	2.448 km²
Mugakideak	Antrimeko konderria eta Armagheko konderria
Punturik altuena	Slieve Donard
Demografia
Biztanleria	531.665 (2011)
Dentsitatea	217,18 bizt/km²
Ordu eremua	UTC±00:00
discovernorthernireland.com…

Down konderria (ingelesez County Down, irlanderaz: Contae an Dúin, esanahia: "Gotorlekuaren Konderria"; Ulsterko eskozieraz: Coontie Doun), Ulster-eko eskualdean dago, Ipar Irlandan, Erresuma Batua. Konderriaren batez besteko biztaleria 416.000 pertsonakoa zen, baina 2007an 516.000 pertsonako errolda egin zen. Konderriko hiburua Downpatrick da, nahiz eta Bangor herri handiagoa izan. Hiri maila duen herri bakarra Newry da. Halere, Belfast hiriaren ekialde eta hegoaldeko zenbait auzo bai eta Lisburn hiriaren hegoaldea Down Konderriko eremuan barneratzen dira.

Hiri eta herriak

• Bangor/Beannchor (58.388 biztanle)
• Newtownards/Baile Nua na hArda (28.821)
• Newry/An Iúraigh (27.433)
• Banbridge/Droichead na Banna (14.744)
• Holywood/Ard Mhic Nasca (12.037)
• Downpatrick/Dún Pádraig (10.316), hiriburua

Hauetaz gain:

• Belfast/Béal Feirste hiriaren zati bat.
• Lisburn/Lios na gCearrbhach hiriaren zati bat.

Ondasun nabarmenak

• Brontë Homeland eremua: Patrick Brontë jaio zen bertan, Anne, Charlotte, Emily idazleen eta Branwell margolariaren aita. Bera ere erlijiogizona eta idazlea izan zen.
• San Patrizio eliza: Irlandako eliza protestanterik zaharrena.
• Stormont gaztelua (Belfast)
• Stormont jauregia (Ipar Irlandako parlamentua)
• Mount Stewart jauregia
• Mourne mendiak
• Ards penintsula
• The Old Inn: Crawfordsburn herriko ostatua, 1614koa.
• Exploris: Portaferryko akuariuma.

Pertsona ezagunak

• Thomas Mayne Reid (1818-1883), idazlea eta militarra.
• Séamus Ó Néill (1910-1996), poeta.
• Rory McIlroy (1989- ), golf jokalaria.

Kirolak

Futbol gaelikoa da kirol nagusia Downeko konderrian. Down GAA taldeak 5 All-Ireland txapelketa eta lau Liga eskuratu ditu bere historian.

Today's Golfer aldizkariaren arabera Estatu Batuetatik kanpoko golf zelai onena bertan dago, Newcastle herriaren ondoan, Royal County Down izena du. Rory McIlroy golflaria ere bertakoa da. 2012an PGA Tourreko jokalari onena izendatu dute.

Iruditegia

• 
  Bangor
• 
  Bangorreko gaztelua
• 
  Downpatrickeko katedrala
• 
  San Patrizioren hilobia (Downpatrick)
• 
  Stormont gaztelua
• 
  Stormont jauregia
• 
  Mount Stewart jauregia
• 
  Mourne mendiak
• 
  Ards penintsula

Kanpo estekak

• Down konderriko webgunea

• Datuak: Q190684
• Multimedia: County Down / Q190684